စံကားမြို့ဟာ အင်းလေးကန်တောင်ဖက်ပိုင်း အင်းလေးကန်ရဲ့ အရှေ့ဘက်ကမ်းမှာ တည်ရှိတဲ့ မြို့သေးလေးတစ်မြို့ဖြစ်ပြီး ညောင်ရွှေကနေပင်လောင်း ၊ ညောင်ရွှေကနေ မွေတော်က္ကူသွားတဲ့လမ်းကနေ ခွဲသွားရပါတယ်။ ရှမ်းပြည်နယ်တောင်ပိုင်း ညောင်ရွှေရှိ အင်းလေးကန်သို့ အလည်အပတ် ရောက်ရှိသူများအတွက် အင်းလေး ဖောင်တော်ဦးဘုရား၊ နှစ်ပေါင်း ၁၇၀ ရှိ ငဖယ်ချောင်းအမည်ရ ရှေးဘုန်းကြီးကျောင်း၊ အလိုတော်ပေါက်ဘုရား အစရှိသည် တို့ကိုသာ များသောအားဖြင့်လည်ပတ်သွား ကြသော်လည်း စံကားမြို့ ဟောင်းတည်ရှိရာ စေတီပုထိုးများကိုမူ သိရှိသူနည်းပါးလှပါတယ်။ စံကားမြို့ဟောင်းက ၁၉၇၀ ခုနှစ်လောက်တုန်းက လောပိတရေအားလျှပ်စစ်စက်ရုံအတွက် မိုးဗြဲဆည်ကို တည်ဆောက်ချိန်မှာ ရေမြှုပ်သွားခဲ့တာပါ။  အခုလက်ရှိ စံကားမြို့ကတော့ အသစ်တည်ထားတာပါ။

ဒေသခံတို့၏ အဆိုအရ အထက်အင်း၊ အလယ်အင်းနှင့် အောက်အင်းဟုခေါ်ဆိုကြရာ၌ ဖောင်တော်ဦးဘုရား တည်ရှိရာ အင်လေးကန်မှာ အထက်ကန်ဖြစ်ပြီး စကားမြို့ ဟောင်းတည်ရှိရာမှာ အလယ်ကန်ပါ။ ညောင်ရွှေမြို့အင်းလေးကန်မှ စံကားမြို့ဟောင်းသို့ ရေမိုင် ၃၇ မိုင်ခရီးကို စက်လှေဖြင့် ၃ နာရီခန့် သွားရပြီး စက်လှေသွားရာ ဘီလူးချောင်း တစ်လျှောက် ဘေးဘီဝဲယာ၌ ဒေသခံအင်းသား တို့ရဲ့ လူနေမှု့မြင်ကွင်းများ၊ ပြောင်း၊ စပါး စိုက်ခင်း များကို လေနုအေးအေးနှင့် အတူ တစ်ဝကြီးခံစားရနိုင်ပြီး အလောင်းစည်သူမင်းကြီး တိုင်းခန်းလှည့်လှည်စဉ် က တည်ထားကိုးကွယ်ခဲ့သည့် စေတီပုထိုးများကို ချောင်းတစ်လျှောက် မကြာခဏ မြင်တွေ့ရသည်မှာ ကြည်နှုးဖွယ်မြင်ကွင်းပါ။

စံကားမြို့ဟောင်းနှင့် တာခေါင် မွေတော် ဘုရားသို့သွားရာ ဘီလူးချောင်းတစ်လျှောက်တွင် ဒိုက်ဖတ်များနှင့် ရေကျချိန်ဖြစ်သည့်အတွက် ကွေ့ကောက်သော ချောင်းရိုးမှသာ သွားလာနိုင်ပြီး ရေတက်နေချိန်တွင် ရေမြုတ်နေသည့် လယ်ကွင်းများပေါ်မှဖတ်လမ်းအတိုင်း သွားလာနိုင်ပြီး တာခေါင်မွေတော်ဘုရားမှာ ဘီလူချောင်း၏ အနောက်ဘက် ကမ်းဘေးတွင်တည်ရှိကာ အလောင်းစည်သူမင်း တည်ထားကိုးကွယ်ခဲ့သည်ဟု တာခေါင်စေတီသမိုင်းမှတ်တမ်းများအရ သိရပါတယ်

။နောက်ပိုင်း ရှမ်းစော်ဘွား များနှင့် စေတနာရှင်တို့က စေတီတော်အား တိုးချဲ့တည်ထားကိုးကွယ်လာခဲ့ကြရာ ယခုအခါတွင် စေတီကြီး ၇၆ ဆူ၊ စေတီငယ် ၅၄ ဆူနှင့် ပျက်စီးကျန်ရစ်နေသည့် စေတီငုတ်တို ၁၀၆ ဆူကျန်ရှိ နေကြောင်း စေတီမှတ်တမ်းများအရ သိရပါတယ်။ အကောင်းပကတိ စေတီများနှင့် ယိုယွင်းနေသည့် စေတီပုထိုးများကို မြင်တွေ့ရသော်လည်း အလောင်းစည်သူ မင်းကြီး တည်ထားကိုးကွယ်ခဲ့သည့် အထောက်အထားကိုမတွေ့ရတော့ပေမယ့် နှစ်ပေါင်း ၂၀၀ ကျော် သက်တမ်းရှိ ခေါင်းလောင်းများရှိနေသည်ကို ခေါင်းလောင်းမော်ကွန်းစာများအရသိရပြီး တာခေါင်မွေတော် ဘုရားမှာလည်း အနည်းဆုံး နှစ် ၂၀၀ ကျော်သက်တမ်းရှိ မည်ဟု ယူဆရပါတယ်။

Contact Us