မြိတ်ကျွန်းစု (သို့မဟုတ်)ဖွံ့ဖြိုးလာသော အဏ္ဏဝါခရီးသွားဒေသ
—————————————————————————

မြိတ်ကျွန်းစုသည် မြန်မာနိုင်ငံ၏ တောင်ဘက် ကပ္ပလီပင်လယ်ပြင်အတွင်း တည်ရှိပြီး ကျွန်းပေါင်း ၈ဝဝ ကျော်ဖြင့် ဖွဲ့စည်းထားသော ကျွန်းစုတစ် စုဖြစ်ပါသည်။

ထို့အပြင် မြန်မာနိုင်ငံ၏ တစ်ခုတည်း သော အမျိုးသားအဏ္ဏဝါ ဥယျာဉ်ဖြစ် သည့် လန်ပိကျွန်းတည်ရှိသည့် ကျွန်းစုတစ်ခုဖြစ်ပါ သည်။ လေ့လာသူများ၏ သုတေသနပြုချက် အရ ကုန်းမြေနှင့်ရေစပ်များတွင် ပေါက်ရောက် သော အမြဲစိမ်းသစ်တောအမျိုးအစား ၁၉၅ မျိုး၊ ဒီရေတောနှင့် သဲခုံတောသဘာ ဝ ပေါက်ပင်အမျိုးအစား ၆၃ မျိုး ရှင်သန်ပေါက် ရောက်ပါသည်။

မြိတ်ကျွန်းစုအတွင်းရှိ ပင်လယ်ရေပြင် အောက်တွင်သန္တာကျောက်တန်း မျိုးစိတ် ပေါင်း ၅၁၈ မျိုး၊ ခရုကမာမျိုးစိတ် ၉၁ မျိုး၊ ငါးမျိုးရင်း ၄၂ မျိုးတို့ရှိပြီး ကျွန်းများပေါ်တွင် ငှက်မျိုးစိတ် ၂၂၈ မျိုးတို့ ကျင်လည်ကျက်စား လျက်ရှိပါ သည်။

ထို့အပြင် နို့တိုက်သတ္တဝါ ၁၉ မျိုးနှင့် သွေးအေးသွေးနွေး သတ္တဝါ မျိုးစိတ်ပေါင်း မြောက်မြားစွာနေထိုင်ကျက်စားလျက်ရှိသော ဒေသကြီးဖြစ်ပါသည်။

မြိတ်ကျွန်းစုအတွင်း ကျွန်းအချို့တွင် နေထိုင်မှုဘဝထူးခြားလှသော ဆလုံ လူမျိုးများ ရှိပါသည်။ဆလုံလူမျိုးများ ကို ပင်လယ်အတွင်း ၌ နေထိုင် ကျက်စားသော ကြောင့် Sea Gipsy စုလည်း ခေါ်တွင်ကြပါ သည်။ ရိုးသားအေးဆေးစွာနေထိုင်ကြသူများ ဖြစ်ပြီး အသက်ရှူကိရိယာ မပါဘဲ ရေအောက် တွင် ၁၅ မိနစ်ခန့် နေထိုင်နိုင်သူများ ဖြစ်ပါ သည်။

မြိတ်ကျွန်းစုအတွင်း သွားရောက် လည်ပတ်ရန် အကောင်းဆုံးကျွန်းအချို့မှာ ကြက်မောက်ကျွန်း၊ အနောက်ကျွန်းနီကျွန်း၊ ခရင်းခွကျွန်း၊ ကျွန်းဖီလာကျွန်း ၊ မြောက်တော် ဝင်ကျွန်း၊ ကျွန်းအမှတ် (၁၁၅)၊ ညောင်ပီးကျွန်း၊ ဘိုချိုကျွန်း၊ လန်ပိကျွန်း၊ ကျောက်သင်ပုန်းကျွန်း၊ နတ်သမီးရေတွင်းကျွန်းတို့ ဖြစ် ကြပါသည်။

ကြက်မောက်ကျွန်းသည် ကော့သောင်းမြို့ ၏ အနောက်တောင်ဘက်တွင် တည်ရှိပြီး စက်တပ်လှေဖြင့် လေးနာရီခန့်မောင်းနှင်နိုင် သော ခရီး အကွာ အဝေးတွင် တည်ရှိပါသည်။ ကျွန်း၏အတွင်းပိုင်းတွင် သဲကျောက်များဖြင့် ကာရံထားသော ရေငန်ကန်တည်ရှိပြီး ရေကျချိန်တွင် ရေကူး၍သော်လည်းကောင်း၊Kayak ဖြင့်သော်လည်းကောင်း ဝင်ရောက် နိုင်ပြီး ရေတက်ချိန်တွင် ကျွန်းအတွင်းသို့ ဝင်ရောက်နိုင်ခြင်းမရှိသော ကျွန်းတစ်ကျွန်း ဖြစ်ပါသည်။

အနောက်ဘက်ကျွန်းနီကျွန်းသည် မြန်မာ နိုင်ငံတွင်သာမက ကမ္ဘာပေါ် တွင် ရေငုပ်လျက် ရေအောက်သဘာဝရှုခင်းများ ကြည့်ရှုရာတွင် ကျော် ကြားသော ကျွန်းတစ်ကျွန်းဖြစ်ပါသည်။ ကော့သောင်းမြို့၏ အနောက် ယွန်းယွန်းတွင် တည်ရှိပြီး စက်တပ်လှေဖြင့် သွားရောက်ပါက ငါးနာရီခန့် ကြာမြင့်နိုင်သောနေရာတွင် တည် ရှိပါသည်။

အနောက်နီကျွန်းရှိ ရေအောက်လိုဏ်ဂူ တွင် သန္တာကျောက်အမျိုးအစား များစွာနှင့် ပင်လယ်သတ္တဝါအမျိုးအစား မြောက်မြားစွာ ကို လေ့လာတွေ့ရှိ ရပါသည်။ ကော့သောင်းမြို့ မှ မိုင် ၆ဝ ခန့်အကွာအဝေးတွင် ကျယ်ပြန့် သည့် သဲသောင်ပြင်ရှိသည့်အပြင် အောက်ချင်း ငှက်၊ ဂျီလောင်နှင့် တောဝက်ကဲ့ သို့သော သတ္တဝါများရှင်သန်နေထိုင်လျက်ရှိသော ကျွန်း မှာ ခရင်းခွ ကျွန်းဖြစ်ပါသည်။ ခရင်းခွကျွန်း၏ တောင်ဘက် တွင် မြန်မာအက်ဒမန် အပန်းဖြေ စခန်း တည်ရှိပါသည်။

ကျွန်းဖီလာကျွန်းတွင် တောတိရစ္ဆာန်များ သဘာဝအလျောက် နေထိုင်ကျက် စားလျက် ရှိသည့်အပြင် ကျွန်းပတ်လည်တွင် ပြန့်ပြူး သော သဲသောင် ကမ်းခြေများရှိပါသည်။ အရံ ကျွန်းငယ်ကလေးများရှိပြီး ကျွန်းအနီး တွင် ရေအောက် အလှအပများကို ကြည့်ရှုခံစား နိုင်သည့် ရေအောက်ရှုခင်း များ ရှိပါသည်။

မြောက်တော်ဝင်ကျွန်းသည်လည်း ရေ အောက်သဘာဝအလှအပများ ကြည့်ရှုခံစား လိုသူများအတွက် စွဲမက်ဖွယ်ကျွန်းတစ်ကျွန်း ဖြစ်ပြီး လှပသော သဘာဝကျောက်များဖြင့် ဖွဲ့စည်းတည်ရှိလျက်ရှိပါသည်။ ကျွန်းအမှတ် (၁၁၅) ကျွန်းသည် စက်တပ်ရွက်လှေခရီးစဉ် များ အတွက် ကျောက်ချရပ်နားခြင်း၊ ကျွန်း ပေါ်သဘာဝအလှအပများ ကြည့်ရှုနိုင်ခြင်း၊ ရေအောက်သဘာဝ အလှအပများ ခံစား နိုင်ခြင်း၊ ငှက်ကြည့်ခရီးစဉ်များအတွက် ငှက် အမျိုးအစား များစွာ လေ့လာနိုင်သည့် ကျွန်း တစ်ကျွန်းဖြစ်ပါသည်။

ညောင်ပီးကျွန်းသည် ကျွန်းအမှတ် (၁၁၅) ကျွန်း၏ မြောက်ဘက်တွင် တည်ရှိပြီး ကျွန်း၏ အရှေ့တောင်ဘက်တွင် ဆလုံ ကျေးရွာတစ်ရွာတည်ရှိပါသည်။ ယင်းကျွန်း ပေါ်တွင် ဆလုံလူမျိုးများနှင့် ဒေသခံ ရေလုပ်သားများ၏ နေထိုင်မှုပုံစံကို လေ့လာ နိုင်ပါသည်။ ဘိုချိုကျွန်းသည် လန်ပိကျွန်း၏ တောင်ဘက်တစ်မိုင်ခန့်အကွာတွင် တည်ရှိ ပြီး ကျွန်းပေါ်တွင် မကြုံဂလက်ဆလုံကျေးရွာ တည်ရှိပါသည်။ ကျွန်းပေါ်နှင့် ကျွန်း ပတ်ဝန်းကျင်တွင် ဇီဝမျိုးကွဲများမြောက်မြားစွာ ရှင်သန်ပေါက်ဖွားလျက်ရှိပါသည်။

ကျောက်သင်ပုန်းကျွန်းသည် ကော့သောင်း မြို့မှ ၉၂ မိုင်ခန့်အကွာ မြိတ်ခရိုင် အတွင်း တည်ရှိပါသည်။ ကျွန်း၏အလယ်တွင် ရေငန် ကန်နှင့် ကျောက်ဂူ တစ်ဂူတည်ရှိပြီး ရေကျချိန် တွင် ရေကူး၍သော်လည်းကောင်း၊ ရေငန်ကန် သို့ အဝင်အထွက်ပြုလုပ်နိုင်ပါသည်။

ကျွန်းအတွင်းပိုင်း ကျောက်ဂူတွင် ဇီဝဇိုး ငှက်ငယ်များသည် အသိုက် များဆောက်နေ ထိုင်ကြသဖြင့် လာရောက်လည်ပတ်သူများ အနေဖြင့် ဘဘာဝငှက်သိုက်များကို လေ့လာ နိုင်ပါသည်။ နတ်သမီးရေတွင်းကျွန်း သည် မြိတ်မြို့မှ ၄၂ မိုင်အကွာအဝေးတွင် တည်ရှိ ပြီး သာယာ လှပသော သဲသောင်များ၊ အမြဲစိမ်း သစ်တောများဖြင့် စိမ်းလန်းစိုပြည်သော ကျွန်း တစ်ကျွန်းဖြစ်ပါသည်။

အထက်ပါကျွန်းများအပြင် ခရီးသွား ဧည့်သည်များအား ဆွဲဆောင်ပေးနို င်သည့် အခြားကျွန်းများစွာလည်း မြိတ်ကျွန်းစုအတွင်း မြောက်မြားစွာ တည်ရှိပါသည်။ မြိတ်ကျွန်းစု အတွင်း ပင်လယ်ရေပြင်၏ ထူးခြားချက်မှာ မိုးရာသီမှအပ ကျန်ရာသီများတွင် ရေပြင် အနက် ၁ဝ ပေမှ ၁၅ ပေခန့်အထိ သမုဒ္ဒရာ ကြမ်းပြင်ကိုမြင်ရလောက်အောင် ရေ ကြည်လင်မှုရှိခြင်းဖြစ်ပါ သည်။

အထက်ပါ ရေပေါ်ရေအောက် သဘာဝ သယံဇာတများ ပေါကြွယ်ဝလှသော မြိတ် ကျွန်းစုအတွင်း ပြည်တွင်း ပြည်ပခရီးသွားများ ခရီးလှည့်လည် ကြည့်ရှုနိုင်ရန် ဟိုတယ်နှင့်ခရီး သွားလာရေးလုပ်ငန်းဝန်ကြီးဌာန၏ အစီ အစဉ်ဖြင့် စက်တပ်ရွက်လှေခရီးစဉ်များကို ၁၉၉၆ ခုနှစ်မှစတင်၍ စီစဉ်ဆောင်ရွက်ခဲ့ ပါသည်။ စက်တပ်ရွက်လှေခရီးစဉ်များဖြင့် ဝင်ရောက် လည်ပတ်လာသော နိုင်ငံတကာ ဧည့်သည်အရေအတွက်မှာလည်း တစ်နှစ် ထက်တစ်နှစ်တိုးတက်မြင့်မားလာခဲ့ပါသည်။

၂ဝ၁၄ ခုနှစ်သည် စက်တပ်ရွက်လှေဖြင့် ဝင်ရောက်လာသော ခရီးသည် အရေအတွက် အားဖြင့် လုပ်ငန်းစတင်လုပ်ကိုင်လာသည့် ၁၇ နှစ်အတွင်း ခရီးသည်အရေအတွက် အမြင့်မားဆုံးဝင်ရောက် ခဲ့သော နှစ်တစ်နှစ် ဖြစ်ခဲ့ ပါသည်။

ယခုအခါ စက်တပ်ရွက်လှေဖြင့် နိုင်ငံ တကာမှ ဝင်ရောက်လာသော ဧည့်သည်များ သာမက ကော့သောင်း၊ မြိတ်နှင့် ထားဝယ် မြို့အနီးတစ်ဝိုက် ကျွန်းတချို့သို့ နေ့ချင်းပြန် ကျွန်းပတ်ခရီးစဉ်များကို ဆောင်ရွက်လျက်ရှိ ပြီး ပြည်ပဧည့်သည်များသာမက ပြည်တွင်း ဧည့်သည်များပါ သွားရောက် လည်ပတ်ရန် စိတ်ဝင်စားမှုမြင့်တက်လျက်ရှိသော ဒေသ တစ်ခုဖြစ်လာပါ သည်။ နေ့ချင်းပြန်ခရီးစဉ်ဖြင့် လာရောက် လည်ပတ်လျက် ရှိသောကြောင့် ပြည် တွင်း ပြည်ပ ဧည့်သည်များမှာလည်း တစ်နေ့တခြား များပြားလျက်ရှိပါသည်။ အချုပ်အားဖြင့်ဆိုသော် မြိတ်ကျွန်းစု ဒေသ သည် နောင်လာမည့် နှစ်အနည်းငယ် အတွင်း ပြည်တွင်း၊ ပြည်ပ ဧည့်သည်များဖြင့် စည်ကားလာမည့်ဒေသတစ်ခုဖြစ်ပါကြောင်း တင်ပြလိုက် ရပါသည်။ ။

လွှမ်းမိုး (ဟိုတယ်/ခရီး)

Contact Us